HStAOrient5a: 63v

cümle‑i sūrenüñ cümle‑i sūreye müşābeheti içündür mes̱elā // Wa‑ḍ‑ḍuḥā ile A‑lam našraḥ gibi ilā ġayri ẕālik. Muqaddime‑i ʿUyūnu // t‑tefāsīrde eyidür: Uṣūl‑i mühimmāt‑i müfessirīn dörtdür maʿrifet‑i // inzāl ü tenzīl ve tefsīr ü teʾvīl[dür]. İnzāl Qurʾānuñ levḥ‑i maḥfūẓdan // defʿaten felek‑i semāʾ‑i dünyāya nüzūlüne dėrler. Ol felek ʿaql‑i // faʿʿāldür. Tenzīl [Cebrāʾīl] vāsıṭasıyla Qurʾānuñ bi‑ḥasebi l‑meṣāliḥ // qalb‑i resūlu llāha lāʾiḥ olmasına dėrler tedrīcle. Pes // inzāl emr‑i defʿīdür. Tenzīl emr‑i tedrīcīdür. Tefsīr maʿnā‑yi āyeti // ve şān‑i āyeti ve sebeb‑i nüzūlini tevżīḥdür delālet‑i ẓāhiresi ile. // Teʾvīl āyeti maʿnā‑yi ẓāhirīsinden maʿnā‑yi muḥtemeline ṣarf // ėtmekdür qaçan maʿnā‑yi muḥtemel kitāba ve sünnete muvāfıq olsa. Nite // ki Allāh taʿālānuñ yuḫriǧu l‑ḥayya mina l‑mayyit dėdügi qavlinden // murād beyżadan ṭayrı iḫrācdur dėnilse tefsīr olur. Ammā // murād müʾmini kāfirden iḫrācdur yāḫᵛud ʿālimi cāhilden // iḫrācdur dėnilse teʾvīl olur. Evvelki semāʿa muḥtācdur. // Zīrā Man fassara l‑Qurʾāna bi‑raʾyihī fa‑qad kafara ḥadīs̱‑i muqarrerdür. // Ammā s̱ānīsi muḥtāc degüldür. Nevādir‑i Qurʾān‑i ʿaẓīmde iki āyet // vardur ki her birisinde ḥurūf‑i heca cemīʿen mevcūddur. // Birisi Sūre‑i Āl ʿİmrānda ṯumma anzala ʿalaykum [min baʿdi l‑ġamma] ilā āḫiri l‑āye.